Ərindən qaçmış 29 yaşlı Türkan Vaqif qızı Lətifova Bakıda tapılıb.
Nizami rayon Polis İdarəsinin məlumatına görə, T.Lətifova “Qara Qarayev” metrostansiyası yaxınlığında aşkarlanıb.

Hazırda qadının öz valideynlərinin evində qaldığı bildirilir.

Polis idarəsi qadının tapılmasına yardım göstərən hər kəsə təşəkkür edib. T.Lətifova polisə verdiyi ifadədə ağır şəkərli diabetdən əziyyət çəkdiyini və ərinə “əlavə yük olmamaq üçün” evi tərk etdiyini söyləyib.

Xatırladaq ki, qadının əri, 36 yaşlı Rüfət Məmmədov həyat yoldaşının yanvarın 18-də Göyçay şəhərindəki evlərini tərk edib bir daha geri qayıtmadığı ilə bağlı polis bölməsinə müraciət etmişdi.

Şəkərli diabetdən əziyyət çəkən qadın azyaşlı uşağını, dərmanlarını və sənədlərini evdə tərk etmişdi. O, həyat yoldaşına “Rüfət səni sevirəm, ancaq çıxıb gedirəm” yazılı məktub qoymuşdu./1news.az