Türkiyənin “Doğan Holdinq” şirkəti ilə “Demirören Qrup” arasında razılaşma əldə edilib.
dogruxeber.tv Türkiyə KİV-inə istinadən xəbər verir ki, “Doğan Holdinq”ə daxil olan “Doğan Media” “Demirören”ə 3 milyard 700 milyon türk lirəsi (916 milyon dollar) qarşılığında satılıb.
Satılan şirkətlər sırasında “Doğan Gazetecilik” (132 milyon dollar), “Hürriyet Gazetecilik ve Matbaacılık” (155 milyon dollar), “Doğan TV Holding” (599 milyon 674 min dollar), “Doğan Haber Ajansı” (5 milyon dollar), “Doğan Dağıtım Satış Pazarlama” (7 milyon dollar), “Doğan İnternet Yayıncılığı ve Yatırım” (12 milyon 751 min dollar), “Doğan Media International GmbH” (4 milyon 42 min dollar) və “Mozaik İletişim Hizmetleri” (532 min dollar) var.
Demirören əvvəlcə 228 milyon dollar, satışla əlaqədar bütün işlər tamamlanandan sonra isə qalan məbləği ödəyəcək.