İranın Pakistanla sərhədində baş verən silahlı toqquşmada dörd iranlı sərhədçi həlak olub.

Bu barədə Sistan və Bəlucistan Sərhəd Qoşunları Komandanlığının mətbuat katibi Əbülhəsən Ziyayi məlumat verib.

Məlumatda bildirilir ki, Pakistan ərazisində bir sıra terror aktları törədən terrorçular polisin təqibindən yaxa qurtarmaq üçün İran ərazisinə keçməyə cəhd ediblər. Lakin İran sərhədini silahla və qanunsuz keçməyə çalışan terrorçular sərhədçilərin müqavimətinə rast gəliblər və silahlı toqquşma baş verib. Nəticədə öz xidməti borcunu yerinə yetirən dörd iranlı sərhədçi şəhid olub. (AZƏRTAC)