Türkiyənin məşhur "Dəmirörən" holdinqinin rəhbəri Ərdoğan Dəmirörən müalicə olunduğu Florence Nightingale Xəstəxanasıında dünyasını dəyişib.

"dogruxeber.tv" Türkiyə KİV-nə istinadən xəbər verir ki, tənəffüs çatışmazlığı səbəbindən uzun müddətdir müalicə olunan iş adamı səhər saatlarında həyatla vidalaşıb.

Dəmirörən Media Holdinqin rəhbəri Mehmet açıqlamasında "Cənazə mərasimi bazar günü günorta namazından sonra Fatih məscidində keçiriləcək. Ölkəmizə, millətimizə və Dəmirörən ailəsinə başsağlığı veririk" deyib.



Prezident Rəcəb Tayyib Ərdoğan, baş nazir Binali Yıldırım və bir sıra siyasət adamları Dəmirörən ailəsinə başsağlığı veriblər. Ərdoğan Dəmirörənin qızı və oğluna zəng vuraraq mərhumun türk iş dünyası üçün böyük itki olduğunu deyib, ona Allahdan rəhmət diləyib.