İsrailin hərbi hava qüvvələri İraqın paytaxtı Bağdada aviazərbələr endirib.


dogruxeber.tv Anadolu agentliyinə istinadən xəbər verir ki, bu barədə Səudiyyə Ərəbistanının “Şarkul Evsat” qəzeti məlumat yayıb.


İddialara görə, hava zərbələrinin hədəfində hərbi düşərgədə İrana məxsus raket başlıqlarının saxlanıldığı silah anbarı olub.


Qəzet yazır ki, İsrail hücumu radarlara düşməyən “F-35” təyyarələri vasitəsiylə təşkil edib. Bəzi mənbələr hücuma məruz qalan ərazinin İran sərhədindən 80 kilometr məsafədə yerləşən “Əşrəf” bazası olduğunu irəli sürür. Rəsmi dairələr hələlik iddialara münasibət bildirməyib.


Lakin İran mediasında “Haşdi Şabi” komandanı Talib əl-Musəviyə istinadən “Əşrəf” bazasının hücuma məruz qalması ilə bağlı iddialar təkzib edilib.


Komandan bildirib ki, bazadakı bəzi hərbi vasitələr yararsız olduğu üçün bilərəkdən partladılıb.(Redaktor.az)