Apple dünyada bazar dəyəri 3 trilyon dollara çatan ilk şirkət olub.

"dogruxeber.tv" DİA.AZ-a istinadən xəbər verir ki, yanvarın 3-də iPhone telefonlarını istehsal edən şirkətin səhmlərin dəyəri 182.88 dollara çatıb.

Şirkətin bazar dəyəri 16 ayın içində 2 trilyondan 3 trilyon dollara yüksəlib. Ötən il səhmləri 34 faiz bahalanıb.

Apple iPhones, MacBooks satışından, həmçinin Apple TV və Apple Music xidmətlərindən qazanır. Şirkət rəhbəri Tim Kuk 2022-ci ildə təchizat zənciri problemləri ilə üzləşə biləcəkləri ilə bağlı xəbərdarlıq edib.

Hazırda Apple şirkətinin 3 trilyon dollarlıq bazar dəyəri İspaniya və İtaliyanın birgə ümumi daxil məhsuluna yaxındır.