Ukraynanın Zaporojya şəhərindəki atom elektrik stansiyasına raket hücumu nəticəsində Ukrayna enerji sistemi ilə AES arasında sonuncu əlaqə kəsilib.

Bundan başqa, paytaxt Kiyev başda olmaqla bir çox şəhərlərdə enerji obyektləri hədəfə alınıb.

"dogruxeber.tv" "haberglobal"a istinadən xəbər verir ki, Ukraynanın Milli Nüvə Enerjisi İstehsalı Korporasiyası (Enerqoatom) rəsmi Telegram hesabında martın 9-da yerli vaxtla saat 04:53-də Zaporojye Atom Elektrik Stansiyasının (ZNPP) raketlə hədəfə alındığını elan edib.

"BÜTÜN DÜNYA ÜÇÜN RADİASİYA NƏTİCƏLƏRİ ilə qəza baş verə bilər"

Hücum nəticəsində Ukraynanın enerji sistemi ilə atom elektrik stansiyası arasında sonuncu əlaqənin kəsildiyi bildirilib. Açıqlamada deyilir ki, “Hazırda stansiya işğal zamanı 6-cı dəfə işıqlandırma rejiminə keçib. 5-ci və 6-cı enerji blokları soyuq vəziyyətdə yerləşdirilib. ZNPP-nin tələblərinə cavab vermək üçün 18 dizel generatoru işə salınıb. 10 gün yanacaq qalıb. Geri sayım başladı. Bu müddət ərzində stansiyanın xarici enerji təchizatı yenilənməsə, bütün dünya üçün radiasiya fəsadları olan qəza baş verə bilər.

ENERJİ OBYEKTLƏRİ ÖLKƏ ÜZERİNDƏ HƏDƏFDİR

Rusiya Ukraynanın bir çox şəhərlərində enerji obyektlərini hədəfə alıb. “Energoatom” bəyan edib ki, 6-9 mart tarixləri arasında Kiyev, Nikolayev, Xarkov, Zaporojya, Odessa, Dnepropetrovsk və Jitomirdəki enerji obyektlərinə hücumlar həyata keçirilib.

Kiyev meri Vitali Kliçko hücumlar nəticəsində paytaxtda elektrik enerjisinin kəsildiyini və vətəndaşların 40 faizinin istilik ehtiyaclarını ödəyə bilmədiyini bildirib. Odessa qubernatoru Maksym Marchenko hücumlar zamanı bəzi elektrik xətlərinin zədələndiyini açıqlayıb.

Marçenko bildirib ki, komandalar nasazlıqları aradan qaldırmaq üçün çalışır.

dogruxeber.tv
Kamal Əsgərov