"dogruxeber.tv" Associated Press-ə istinadən xəbər verir ki, Çin Müdafiə Nazirliyi ABŞ-ı ikitərəfli hərbi əlaqələrin dondurulması fonunda kosmosu hərbiləşdirməkdə ittiham edib.

"Son illər Birləşmiş Ştatlar kosmosun hərbiləşdirilməsini sürətləndirib. Xüsusi vurğulamaq istərdim ki, Çin kosmosdan dinc məqsədlərlə istifadənin tərəfdarıdır və silahların yerləşdirilməsinə və kosmosun döyüş meydanına çevrilməsinə qəti şəkildə qarşıdır. Bu kosmosda silahlanma yarışının formasıdır." - deyə Çin Xalq Respublikasının Müdafiə Nazirliyinin nümayəndəsi Tan Kefei bildirib.

O qeyd edib ki, - "ABŞ-ın hərəkətləri, o cümlədən 2019-cu ildə ayrıca kosmik qüvvələrin yaradılması "kosmik təhlükəsizlik və qlobal strateji sabitliyə ən çox mənfi təsir göstərib".

Yeri gəlmişkən, ötən gün ABŞ-ın dövlət katibi Entoni Blinken İndoneziyada CPC Mərkəzi Komitəsinin Xarici Əlaqələr Komissiyasının rəhbəri Vanq Yi ilə görüşüb.

dogruxeber.tv
Jalə Asiman