İran xarici işlər nazirinin iqtisadi diplomatiya üzrə müavini Mehdi Səfəri bildirib ki, yaxın vaxtlarda İran və Türkiyənin 29-cu hökumətlərarası komitəsi keçiriləcək.

"dogruxeber.tv"ın İRNA-ya istinadən bu gün verdiyi xəbərə görə, Səfəri bu sözləri Türkiyənin gənclər və idman naziri Osman Aşkın Bakla görüşündə deyib.

O, iki ölkənin gündəliyində duran iqtisadi məsələləri, o cümlədən enerji, sərhəd bazarları, sərhəd əyalətləri arasında əməkdaşlıq, tranzit və hökumətlərarası komitələri nəzərdən keçirib.

Rəsmi əlavə edib ki, yaxın vaxtlarda iki ölkənin 29-cu hökumətlərarası komitəsi keçiriləcək.

Bu arada Aşkın Bak iki qonşu ölkənin ortaq cəhətlərinə toxunub.

Türkiyə tərəfi İran və Türkiyə arasında iqtisadi əlaqələrin genişləndirilməsinə ümid etdiyini bildirib.

dogruxeber.tv
Kəmalə Talıbova