"İranın Zəngəzur dəhlizinin açılmasına qarşı çıxması onunla bağlıdır ki, Qərb NATO adı altında Azərbaycan, Xəzər dənizi və Mərkəzi Asiya ərazisi ilə şərq-qərb daşımalarını həyata keçirmək istəyir".

"dogruxeber.tv" xəbər verir ki, bunu İranın ali dini lideri Ayətullah Əli Xameneinin beynəlxalq məsələlər üzrə müşaviri Əli Əkbər Vilayəti deyib.

O, bunu sui-qəsd kimi qiymətləndirdiyini bildirib: "Yaxşı niyyəti olmayan Qərbdən fərqli olaraq, İran İslam Respublikası həqiqətən də azərbaycanlı qardaşlarının rifahını istəyir.

İran və Azərbaycan arasında dörd günlük hərbi təlimlər qarşılıqlı etimadın artdığını göstərir. Bu, Ali Rəhbərin Qafqaz məsələsində ağıllı siyasətinin nəticəsidir və İran və Azərbaycandır arasında qardaşlıq və qonşuluq münasibətlərinin getdikcə gücləndiyini göstərir.

Son illərdə Ukrayna müharibəsi fonunda ABŞ NATO adı altında Cənubi Qafqaz regionuna nüfuz etməyə və praktiki olaraq alternativ yaratmağa çalışır, Rusiyanın diqqəti isə Ukraynaya yönəlib".