Bərdə rayonunda yol kənarında tapılan körpə ölüb.

Bu barədə Bərdə rayon Təcili Tibbi Yardım Stansiyasının baş həkimi Adil Cəlahan məlumat verib.

Baş həkim bildirib ki, körpə yeddi aylıq doğulub və qızdır: "Aparılan müayinələrdən sonra körpənin artıq öldüyü məlum olub".

Bərdə rayonunda yol kənarında yeni doğulmuş körpə tapılıb.

Yeni doğulmuş körpə rayonun Əmirli kəndi ərazisində yerli sakinlər tərəfindən aşkar olunub.

Hadisə barədə Təcili Tibbi Yardım Stansiyasına (TTYS) və polisə məlumat verilib. Körpənin atıldığı yerə gələn TTYS-nın həkimləri tərəfindən körpə Bərdə Rayon Mərkəzi Xəstəxanasına çatdırıb. Xəstəxanadan bildirilib ki, körpə müayinə və müalicə olunmaq üçündoğum şöbəsinə yerləşdirilib.

Faktla bağlı araşdırmalara başlanılıb. /report