ABŞ prezidenti Donald Tramp milli təhlükəsizlik üzrə müşaviri Qerbert Makmasteri istefaya göndərib. dogruxeber.tv-ın “RİA Novosti”yə istinadən verdiyi xəbərə görə, onun yerinə bu vəzifəyə ABŞ-ın BMT-dəki sabiq daimi nümayəndəsi Con Bolton təyin edilib.


“New York Times”-ın məlumatına görə, Qerbert Makmaster öz istefasını bir neçə həftə ərzində D.Trampla müzakirə edib.

D.Tramp Q.Makmasterin “İŞİD-in darmadağın olunmasında, KXDR-in danışıqlar masasına cəlb etməkdə və ölkənin rifahının yaxşılaşdırılmasında” rolunu yüksək qiymətləndirib.

Məlumata görə, qərar D.Tramp və Q.Makmaster tərəfindən qarşılıqlı razılıq əsasında verilib.