Xeberekspress.az Bildirir ki, bir neçə ay bundan öncə, arabaya məhkum 1 ci qrup əlil Mirzəyev Səxavət Mirağa oğlu Şirvan şəhər Əlillərin Regional Bərpa Mərkəzinin baş Həkimi Könül Abbasovaya mənzilinin bərbad vəziyyətdə olduğunu, çox pis şəraitdə yaşadığını və bu səbəbdən dözülməz həddə çatdığını bildirmiş və baş Həkim Könül xanımdan ona bu işdə kömək etməsini xahiş etmişdir.
1ci qrup əlil Səxavətli Mirzəyev yaxwı bilirdiki, Regional Bərpa Mərkəzinin baş Həkimi Könül Şahmalı qızı Abbasova bütün əlillərə diqqət və qayğı göstərərək, onların problemlərinin həllində əlindən gələni əsirgəməmişdir.
Məhz bu səbəbdən yaşadığı mənzildə şəraitsizlikdən, acınacaqlı və dözülməz vəziyyətdə yaşayan arabaya məhkum əlil Səxavət Mirzəyev, Şirvan şəhər Əlillərin Regional Bərpa Mərkəzinin baş Həkimi Könül Abbasovadan kömək istəmişdir.
Səxavətin bu müraciətindən sonra, Könül xanımın qızları, Ruxsarə və Lamiyə Abbasovalar sözü gedən mənzilin təmir işlərini öz üzərlərinə götürmüşlər.
Bunu da qeyd etmək istəyirik ki,Ruxsare Xanlar qızı Abbasova, Azərbaycan Dövlət Pedaqoji Universitetinin təsviri incəsənət və bədii qrafika fakültəsinin 4 cü kurs tələbəsidir. Dünyaca ünlü Azərbaycanlı rəssam Sakit Məmmədovun tələbəsi olan Ruxsare xanım, Türkiyənin Marmaris şəhərinin Beynəlxalq sərgisində öz rəsm əsərləriylə 1 ci yeri tutmuş , Avropanın Lüksemburq və Belçikanın Brüssel şəhərlərində isə rəsm əsərləri sərgilənmişdir.
Xeyirxah və zəhmətsevər Abbasova bacılarından digəri, Lamiyə Xanlar qızı isə, Qərb Universitetinin Iqtisadiyyat fakültəsinin tələbəsidir .Həmçinin Ingiltərənin paytaxtı Londonda Beynəlxalq Koordinator kimi fəaliyyət göstərmişdir.
Bütün bu qeyd etdiklərimizlə yanaşı şirkət sahibəsi olan Lamiyə Abbasova və bacısı Ruxsarə Abbasova öz zəhmətləriylə əldə etdikləri qazancla 1 ci qrup əlil Səxavət Mirzəyev kimi acınacaqlı və sıxıntı içərisində yaşayan carəsizlərə yardım etməklə, bir çox insanların ürəklərində taxt tac qurmuşlar.
Bir neçə ay bundan öncə arabaya məhkum əlil Səxavət Mirzəyevin Ruxsarə və Lamiyə Abbasova bacılarının şəxsi vəsaitləri hesabına əsaslı təmirinə başlanan mənzili, nəhayət 2018 ci ilin Mart ayında tamamlandı.
Yeni təmirdən çıxmış mənzilə, Ruxsarə və Lamiyə Abbasova bacıları, Novruz bayramı münasibətilə bayram xonçasıyla gedərək, arabaya məhkum Səxavət Mirzəyevi ziyarət etdilər.
1 ci qrup əlil Səxavət Mirağa oğlu, bacılara ürəkdən minnətdarlığını və dərin təşəkkürünü bildirib . Sevincinin həddi hüdudu olmayan arabaya məhkum Səxavət Mirzəyev, Ruxsarə və Lamiyə Abbasovalara Allahdan can sağlığı, uzun ömür, xoşbəxtlik və firəvan günlər arzu edərək ,illərdir yaşaması mümkün olmayan şəraitsiz mənzilinin təmirinə görə iş adamları Abbasova bacılarına səmimi qəlbdən ehtiramını bildirdi.

Allah yardımsevərlərə yardım etsin. !
Xeberekspress.az Akif Azadxanoğlu