Çin rəhbəri də Şimali Koreyaya səfər edəcək
Şimali Koreya lideri Kim Çen In martın 25-dən 28-dək Çinə qeyri-rəsmi səfər edib. Bu barədə Sinxua xəbər yayıb. Yaponiyanın Kiodo agentliyi KXDR liderinin iki ölkənin sərhəddini xüsusi qatarla keçdiyini bildirib. Cənubi Koreyanın «Xankyore simbun» qəzeti isə Kim Çen Inın Pekində Çinin Kommupnist Partiyasının ali rütbəli nümayəndələri, o cümloədən ÇXR sədri Si Tszinpinlə görüşdüyünü bildirib.

Səfərdə Kim Çen Inı həyat yoldaşı Li Sol Çju müşaiyyət edib.



«Səfər zamanı Si Tszinpin və Kim Çen In Xalq Yığıncağı Evində danışıqlar aparıblar. Si Tsinpin və xnımı Pen Liyuan Kim Çen In və xanımının şərəfinə banket keçiriblər», - deyə Sinxua bildirir.

Agentlik bildirir ki, Kim Çen In səfər zamanı Si Tszinpini yenidən ÇXR-in sədri seçilməsi münasibəti ilə təbrik edib və bildirib ki, bu münasibətlə Çinə səfər etməyi özünə vəzifə bilir.

Şimali Koreya lideri ilə söhbəti zamanı Si Tszinpin Pxenyanın Koreya yarımadasında vəziyyəti yaxşılaşdırmaq üçün gördüyü işin Pekin tərəfindən qiymətləndirildiyini bildirib.



Şimali Koreya lideri öz növbəsində ABŞ və Cənubi Koreya liderləri ilə görüşməyə hazır olduğunu bildirib.

Cənubi Koreya və Yaponiya KİV-ləri bildirir ki, Kim Çen In ÇXR sədrini Şimali Koreyay dəvət edib. Si Tszinpin təklifi qəbul edib və KXDR liderini yenidən Pekinə səfərə dəvət edib.

Yeri gəlmişkən, Cənubi Koreya Prezident Administrasiyasının rəsmi nümayəndəsi bildirib ki, Çin rəhbərliyi Şimali Koreya liderinin Pekinə səfəri barədə rəsmi Seuldan olan həmkarlarını xəbərdar edib./faktxəbər