Azərbaycan prezidenti İlham Əliyev Nazirlər Kabinetinin yeni tərkibi haqqında” Azərbaycan Respublikası Prezidentinin 2018-ci il 21 aprel tarixli sərəncamına əlavələr edilməsi barədə sərəncam imzalayıb.

“Qafqazinfo”nun məlumatına görə, aşağıdakı şəxslər Azərbaycan Respublikası Nazirlər Kabinetinin üzvləri təyin edilib:

Gənclər və idman naziri – Azad Arif oğlu Rəhimov;

Mədəniyyət naziri – Əbülfəs Mürsəl oğlu Qarayev;

Müdafiə sənayesi naziri – Yavər Talıb oğlu Camalov;

Səhiyyə naziri – Oqtay Kazım oğlu Şirəliyev;

Ailə, Qadın və Uşaq Problemləri üzrə Dövlət Komitəsinin sədri – Hicran Kamran qızı Hüseynova;

Dini Qurumlarla İş üzrə Dövlət Komitəsinin sədri – Mübariz Qəhrəman oğlu Qurbanlı;

Dövlət Statistika Komitəsinin sədri – Tahir Yaqub oğlu Budaqov;

Əmlak Məsələləri Dövlət Komitəsinin sədri – Kərəm Əvəz oğlu Həsənov;

Dövlət Turizm Agentliyinin sədri – Fuad Hümbət oğlu Nağıyev;

Qida Təhlükəsizliyi Agentliyinin sədri – Qoşqar İlahi oğlu Təhməzli;

Səfərbərlik və Hərbi Xidmətə Çağırış üzrə Dövlət Xidmətinin rəisi – Arzu Yusif oğlu Rəhimov.