Pensilvaniya ştatının qubernatoru Tom Vulf Azərbaycan Demokratik Respublikasının 100-cü ildönümü ilə əlaqədar olaraq təbrik məktubu ünvanlayıb.


Azərbaycanın ABŞ-dakı səfirliyindən APA-ya verilən məlumata görə, məktubda qeyd olunub ki, 1918-ci il 28 may tarixində Müsəlman Şərqində ilk dünyəvi parlamentli respublika olan Azərbaycan Demokratik Respublikasının qurulub və dünyanın digər demokratik dövlətləri, o cümlədən ABŞ tərəfindən tanınıb.


Müstəqillik dövründən bəri Azərbaycan regionun mayakı olaraq irqi, cinsi və ya etnik mənsubiyyətindən asılı olmayaraq hamı üçün bərabərlik hüququnu tanıyıb və Qafqaz regionunda ABŞ-ın müttəfiqi və strateji tərəfdaşıdır.


T.Vulf Azərbaycanın yaranmasının 100 illiyinin qeyd olunması ilə əlaqədar, ölkədə yaşayan Azərbaycanlıları cəmiyyətə verdikləri töhfələri nailiyyət və qürur hissi ilə qeyd etməyə çağırıb.

Qubernator Pensilvaniyada yaşayan vətəndaşlar adından Azərbaycanın 100 illiyini tanımaqdan qürur duyduğunu və 100 illiyin yaddaqalan və uğurlu qeyd olunması üçün ən xoş arzularını bildirib