Koreya Xalq-Demokratik Respublikası Əmək Partiyasının vahid cəbhə bölməsinin rəisi Kim Yon Çxol ABŞ-KXDR sammitinə hazırlıq üçün Nyu-Yorka səfər edib.


dogruxeber.tv-ın məlumatına görə, bu barədə “Yonhap” agentliyi xəbər verib.

Məlumata əsasən, yüksək rütbəli Pxenyan rəsmisi ABŞ-ın dövlət katibi Mayk Pompeo ilə görüşəcək. Söhbət zamanı ABŞ prezidenti Donald Tramp və KXDR lideri Kim Çen In arasında planlaşdırılmış görüşün detalları müzakirə ediləcək.

Agentlik vurğulayır ki, bu 2000-ci ildən etibarən ABŞ-a səfər edən ən yüksək rütbəli Pxenyan rəsmisidir.

Xatırladaq ki, iyunun 12-də Sinqapurda ABŞ prezidenti Donald Tramp və KXDR lideri Kim Çen In arasında görüşün keçiriləcəyi gözlənilir.