Dünyada məşhur taksi xidməti “Uber”in Türkiyədəki fəaliyyəti dayandırılır.

“Qafqazinfo” xəbər verir ki, bu barədə Türkiyə prezidenti Rəcəb Tayyib Ərdoğan məlumat verib.

Ərdoğan Türkiyədəki taksi xidmətinin “Uber”dən daha yaxşı olduğunu və ona ehtiyac olmadığını söyləyib:

““Uber”-“muber” deyə bir şey çıxıb. Avropadan mənə nə? Artıq o məsələ bağlandı. Bizim öz taksi xidmətimiz var. Öz xidmətimizin haqqını heç kimə yedizdirmərik. Daxili İşlər Nazirliyi də təlimat verdi, lazımi addım atılacaq”.

Qeyd edək ki, son zamanlar Türkiyədə “Uber” sürücülərinə digər sürücülər tərəfindən təzyiqlər artmışdı.