İngiltərənin “Stok Siti” klubu və İsveçrə yığmasının yarımmüdafiəçisi Cerdan Şakiri “Liverpula” keçib.


Bunu “Liverpul” klubunun mətbuat xidməti bəyan edib. Məlumata görə, 26 yaşlı C.Şakiri ilə uzunmüddətli müqavilə imzalanıb.


2015-ci ildən “Stok Siti”nin şərəfini qoruyan C.Şakiri əvvəllər “Bazel”, “Bavariya” və Milanın “İnter” klubunda çıxış edib. Ötən mövsümdə 36 dəfə meydana çıxan isveçrəli futbolçu 8 qol və 7 məhsuldar ötürmə ilə yadda qalıb. İsveçrə millisinin heyətində ümumilikdə 74 matç keçirən C.Şakiri 21 dəfə rəqib qapısına yol tapıb.