Azərbaycanda xırdabuynuzlu heyvanların dərisinə maraq azalıb.
dogruxeber.tv Xezerxeber.az-a istinadən məlumat verir ki, səbəb dəriyə tələbatın az olmasıdır.

Qəssabların sözlərinə görə, əvvəl dəriləri toplayanlar olub, amma son bir neçə ildir ki, dəri alan tapılmır. İribuynuzlu heyvanların dərisi isə əvvəlkinə nisbətən ucuz satılsa da alıcısı nisbətən çoxdur.

Heyvanların dəriləri alınmadığı üçün onları hara gəldi atırlar. Dərilərin kütləvi şəkildə atılması isə bəzən xoşagəlməz mənzərələrin yaranmasına səbəb olur.

Dəri emalı ilə məşğul olan sahibkarlar deyib ki, əvvələr ölkəmizdə emal edilən dərilər həm qonşu ölkələr, həm də Avropa dövlətlərinə ixrac edilirdi. Amma gömrük rüsumu artırıldığından bu əməliyyat artıq qazanc gətirmir və ona görə də dəriyə olan maraq azalıb.

Xırdabuynuzlu heyvan dərisindən əsasən dəri gödəkçələr istehsal edilir. Ölkəmizdə bu sahə inkişaf etmədiyindən xırdabuynuzlu heyvan dərisinə ehtiyac olmur. Amma iribuynuzlu heyvanların dərisindən ayyaqabı istehsal edilir. Bu işlə məşğul olan çox sayda sexlər fəaliyyət göstərdiyindən tələbat da var.