99 saylı Şəmkir kənd dairəsini təmsil edən deputat Sona Əliyeva rayon mərkəzindən 35 km uzaqlıqda Tatarlı kəndində seçicilərlə görüşüb.
S.Əliyeva 40-dan çox seçicinin müraciəti dinləyib. Müraciətlər əsasən sosial müavinətlərin təyin olunması, müayinə və müalicə, əllillik dərəcəsininin müəyyən olunması, kəndin müəyyən hissələrində içməli su probleminin həll olunması ilə bağlı olub.

Seçicilərlə görüşdən sonra həmişəki kimi, Sona Əliyeva aprel şəhidi Nurlan Qasımovun ailıəsini ziyarət edib, Şəhidin bacısı balaca Fidanın və ailənin qayğıları ilə maraqlanıb.
Həmçinin Şəmkirdə aprel şəhidi Təbriz Əsgərovun anası Kifayət Əsgərovanın yas mərasiminə qatılıb, başsağlığı verib və ailənin qayğıları ilə maraqlanıb.