ABŞ dövlət katibi Mayk Pompeo Ukrayna prezidenti postuna namizəd olan şəxslərlə telefonla danışıb.

Bu barədə ABŞ-ın Ukrayna üzrə xüsusi nümayəndəsi Kurt Uolker Twitter-də yazıb.

O bildirib ki, Pompeo Pyotr Poroşenko və Vladimir Zelenski ilə telefon söhbəti zamanı bir daha ölkəsinin Ukraynanın ərazi bütövlüyünə dəstəyini ifadə edib.

ABŞ dövlət katibi qeyd edib ki, ölkəsi Ukrayna xalqının prezident seçəcəyi şəxslə işləyəcək.

Qeyd edək ki, aprelin 21-də Ukraynada prezident seçkilərinin ikinci tutu keçiriləcək. Prezident kreslosu uğrunda mübarizə Pyotr Poroşenko ilə Vladimir Zelenski arasında gedəcək.