Belçikanın Brüssel şəhərində ictimai yerlərdə spirtli içki qadağası tətbiq olunacaq.
“dogruxeber.tv” xəbər verir ki, artıq Brüssel Bələdiyyə Məclisi bu məsələ ilə bağlı qanunvericiliyə dəyişiklik edib.

Qərar 2020-ci ilin 1 fevralından etibarən qüvvəyə minəcək. Qərara əsasən şəhərin mərkəzindəki ictimai yerlərdə gecə yarısından səhər saat 06:00-yadək spirtli içki istifadəsi qadağan olunacaq. Qaydanı pozan şəxslər 350 avro ( təxminən 635 manat) ödəməli olacaqlar. Bələdiyyədən xüsusi icazə alan kafe və barlarda isə içki içmək sərbəst olacaq.

Bildirilir ki, bu qadağa şəhər mərkəzində xüsusilə gecə saatlarında müşahidə olunan şiddət, oğurluq və səs-küy səbəbilə tətbiq edilir.

Qeyd edək ki, qadağa 6 aylıq sınaq mərhələsini keçdikdən sonra 2020-ci ilin 1 avqust tarixində yenidən nəzərdən keçiriləcək.