ABŞ Eyn Əl-Əsəd bazasında İranın raket hücumları nəticəsində yaralanan əsgərlərinin satını bir qədər də artırdı. "Reuters" "Pentaqon"dakı mənbəsinə istinadən yazıb ki, yaralanan əsgərlərin sayı 109-dur.

Xatırladaq ki, yanvarın 8-i İranın İraqda yerləşən ABŞ hərbi bazalarına endirilən zərbədən sonra Amerika prezidenti Donald Tramp bu zərbəni gözlədiklərini, bazaları boşaltdıqlarını və heç bir itkilərinin olmadığını, hətta yaralananın belə olmadığını açıqlamışdı. İran tərəfi isə raket zərbələri zamanı 80-ə yaxın ABŞ əsgərinin öldüyünü, 200-dən çox yaralının olduğunu açıqlamışdı.

Daha sonra mediaya məlumat sızdırılaraq 11 əsgərin yaralandığı açıqlandı. Bundan iki gün sonra isə yaralı sayının 21 olduğu bildirildi. Sözügedən rəqəm bir neçə gün fasilə ilə 36 oldu. Yanvarın 28-də yaralı sayını "Pentaqon" sözçüsü general-polkovnik Tomas Kempbel 50 göstərdi. Yanvarın 31-də isə CNN-ə danışan "Pentaqon" rəsmisi 64 əsgərlərinin yaralandığını bildirdi.

Görünən odur ki, ABŞ bütün təkziblərə baxmayaraq, yaralanan əsgər sayını gilədə bilmir. Həmçinin, bu qədər əsgərin yaralandığı raket hücumunda ölənin olmaması inandırıcı gəlmir.