“2020-ci ilin büdcəsinin icrası ilə bağlı hər hansı bir problem yoxdur”.
dogruxeber.tv bildirir ki, bunu Maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında deyib.
Onun sözlərinə görə, beş ayın nəticəsi olaraq kifayət qədər profisit var: “Bu, yaxşı mənzərədir”.
Nazir bildirib ki, valyuta ehtiyatları dövlət borcunu təxminən 5 dəfə üstələyib: “Biz tələsmirik. Daha çox gözləmə mövqeyi nümayiş etdiririk. Karantinin müəyyən mənfi iqtisadi təsirləri qaçılmaz idi. Qeyd etmək istərdim ki, operativ məlumatlarımız göstərir ki, büdcənin icrası ilə bağlı hansısa problemlər yoxdur. Büdcədə beş ayın nəticəsi olaraq, kifayət qədər profisit var. Operativ məlumatlara əsasən, bizdə 500 mln. manat profisit yarandığını göstərir”.
Nazir onu da bildirib ki, dövlət büdcəsinə yenidən baxılmasına Maliyyə Nazirliyi tərəfdən müraciət edilməyib.
(Virtualaz.org)