Dost və qardaş Pakistan İslam Respublikasının Milli Assambleyasında fəaliyyət göstərən Pakistan-Azərbaycan dostluq qrupu əlaqələndiricisi cənab Mürtəza Cavid Abbasi və Senatda fəaliyyət göstərən Pakistan-Azərbaycan dostluq qrupu əlaqələndiricisi cənab Məhəmməd Talha Mahmuda rəhbərlik etdiyim Pakistan-Azərbaycan parlamentlərarası işçi qrupu adından Pakistanın siyasi rəhbərliyinin Azərbaycan torpaqlarının işğaldan azad edilməsi ilə bağlı həyata keçirdiyi hərbi əməliyyatlara göstərdiyi dəstəyə görə dərin minnətdarlığımı bildirdim.

dogruxeber.tv bildirir ki, bu sözləri Milli Məclisin Mədəniyyət komitəsinin sədri Qənirə Paşayeva qeyd edib.

“Azərbaycanın ərazi bütövlüyü və suverenliyi ilə bağlı Pakistanın tutduğu mövqenin ölkəmizdə böyük rəğbətlə qarşılandığını qeyd etdim. Pakistanın daim Dağlıq Qarabağ münaqişəsində Azərbaycanın haqlı mövqeyini qətiyyətlə dəstəklənməsinin beynəlxalq hüquq və prinsiplərə hörmətin parlaq nümunəsi olduğunu vurğuladım”, - o qeyd edib.