Azərbaycanlı iş adamı Fərid Novruzi Hadrut (Ağoğlan) qəsəbəsinin işğaldan azad edilməsində iştirak edən əsgərin arzusunu reallaşdırıb.

dogruxeber.tv Yenisabah.az-a istinadən xəbər verir ki, qəsəbə azad edildikdən sonra yaşayış məntəqəsinə daxil olan əsgərin "O Mercedesi aparaq, ikiqapılı, xəyalım olub mənim" deməsindən sonra biznesmen ona həmin maşından alıb.

“Hadrut uğrunda döyüşən əsgər qardaşımın xəyal etdiyi, ikiqapılı Mersedes markalı maşını Allahın lütfü ilə aldım. Əslində, sizin köməyinizlə bu məlumatın ona çatdırılmasını xahiş etmək istərdim, lakin yəqin ki, qardaş döyüş bölgəsindədir və fikrini yayındırmayaq. Allah onun qoluna qüvvət versin və Qarabağ qazisi olaraq sağ salamat evinə-ailəsinə qaytarsın, bizə də bu hədiyyəni ona bilavasitə verməyi nəsib etsin. Maşının nömrəsi də özəldir Zəfər Yolunda, 028 də Xocavəndin avtomobil seriyasıdır” - sözlərini sosial şəbəkə hesabında yazan F.Novruzi avtomobilin şəkillərini izləyiciləri ilə bölüşüb.