dogruxeber.tv: - Məşhur “Embawood” mebel mağazalar şəbəkəsi məhkəməyə verilib.

Adı çəkilən şəbəkə gömrük qaydalarını pozub. Buna görə də, “Embawood” barəsində İnzibati Xətalar Məcəlləsinin 485.2-ci (Azərbaycan Respublikasının Gömrük Məcəlləsi ilə müəyyən edilmiş hallarda qısa idxal bəyannaməsinin mallar gömrük ərazisinə gətirilməzdən əvvəl elektron formada verilməməsinə görə) maddəsi ilə protokol tərtib olunub.

Tərtib olunan protokol baxılması üçün Yasamal rayon Məhkəməsinə göndərilib. İş hakim Hüseyn Səfərovun icraatına verilib.

Həmin maddə əsasında “Embawood”u 1500 manat cərimə gözləyir.//lent.az