dogruxeber.tv: - Biləsuvarda suda boğulan körpənin kimliyi müəyyənləşib.

Qaynarinfo-nun əldə etdiyi məlumata görə, uşaq 03.08.2020-ci il təvəllüdlü İmamzadə Polad Hökuməli oğludur. Uşağın anası isə 1992-cı il təvəllüdlü Gülər İmanzadədir.

Gəlinin qayınatası Nəzərov əli Polad oğlu, həyat yoldaşı isə Nəzərov Hökməli Əli oğludur.

Hadisə ailə münaqişəsi zəminində baş verib.

10.59

Biləsuvar rayon İsmətli kəndində gəlin özünün yaş yarımlıq uşağını suya ataraq boğub.

Bu haqda Qaynarinfo-ya adının çəkilməsini istəməyən kənd sakinlərindən biri məlumat verib.

Verilən məlumata görə, gəlin ailədə davamlı zorakılıq görüb. Dünən gecə də evdə döyülən qadın yaxınlıqda su tapmadığından kəndin girişində, qəbiristanlığın yanından axan şor kanala qədər gedib, orada bir az sulu yer tapıb və özüylə birgə övladını kanala atıb.

Ancaq kəndin kanalında uzun müddətdən bəri su olmadığından 3 ilin gəlini olan qadına heç nə olmayıb, yosunların arasında itən uşaq isə tələf olub.
Hadisə yerinə prokurorluğun müstəntiqləri gəlib.

Hadisə bu gün səhər, saat 7-8 arası baş verib.

Saxlanılan yoxdur.