dogruxeber.tv: - Gədəbəy rayonunda 1976-cı il təvəllüdlü Mahir şəxsi münasibətlər zəminində qardaşı Vəlini və onun həyat yoldaşı Samirəni (adlar şərti verilib – red.) döyüb.

Demokrat.az-ın əldə etdiyi məlumata görə, hadisə ötən ilin avqustun 31-də, sааt 20 radələrində baş verib.

Mahir orta dərəcəli alkoqol sərxoşluğu vəziyyətində Gədəbəy rayonu, Düzyurd kəndində yerləşən atasına məxsus evdə şəxsi münasibətlər zəminində aralarında yaranmış mübahisə və münaqişə zamanı ağac ilə qardaşı arvadı Samirəni döyüb.

Daha sonra Mahir qardaşı Vəlini əl və yumruq zərbələri ilə qəsdən vuraraq, ona xəsarətlər yetirib.

İstintaq orqanı tərəfindən Vəlinin barəsində Cinayət Məcəlləsinin 128-ci (qəsdən sağlamlığa yüngül xəsarət yetirmə) maddəsi ilə ittiham elan edilib.

Gədəbəy rayon Məhkəməsinin hökmü ilə təqsirləndirilən şəxsin zərərçəkmiş şəxslərlə barışması nəzərə alınıb.

Bu səbəbdən onun barəsində olan cinayət təqibinə xitam verilib.