Şimali Koreya Xarici İşlər Nazirliyi ABŞ ilə gərginliyi artıracaq yeni açıqlama yayıb.

"dogruxeber.tv" xəbər verir ki, açıqlamada Şimali Koreya hidrogen bombaları, qitələrarası ballistik raketlər və hipersəs raketləri ABŞ qitəsinin əhatə dairəsində olduğu vurğulanıb.

"Bir çox ölkələrin Birləşmiş Ştatlarla təslim olmaq və kor-koranə itaətkarlıqla məşğul olmaq üçün vaxt itirdiyi bugünkü dünyada biz bu planetdə ABŞ materikinin mənzilində olarkən raket atmaqla dünyanı silkələyə bilən yeganə ölkəyik. Bu bizim ixtiyarımızdadır - hidrogen bombaları, qitələrarası ballistik raketlər və hipersəs raketlər və s.”, - nazirlik bildirib.

Bəyanata cavab olaraq ABŞ Dövlət Departamentinin sözçüsü "The Hill"ə bildirib ki, Vaşinqton Pxenyanı "beynəlxalq sülh, təhlükəsizliyə və nüvə silahlarının yayılmaması rejiminə təhdid" kimi görür, lakin ABŞ-ın bu ölkəyə qarşı heç bir düşmən niyyəti yoxdur.

Qeyd edək ki, Şimali Koreya təkcə bu il yeddi raket sınağı keçirib, onların əksəriyyəti Yapon dənizinə atılıb.

Ölkə keçən həftə 2017-ci ildən bəri ilk dəfə orta mənzilli Hwasong-12 ballistik raketini sınaqdan keçirdiyini dətəsdiqləyib.

Ehtimal olunur ki, raket ABŞ-ın Quam ərazisini vura bilər.