Ermənistan müxalifəti hakimiyyətə gələcəyi halda hazırkı hökumətin beynəlxalq müqavilələri qüvvədən düşəcək.

"dogruxeber.tv" axar.az-a istinadla xəbər verir ki, bunu Ermənistan parlamentinin vitse-spikeri, müxalif deputat və hazırda Baş nazir paşinyanın istefası tələbi ilə keçirilən aksiyalara rəhbərlik edənlərdən İşxan Saqatelyan deyib.

Xatırladaq ki, erməni müxalifətinin bu cür açıqlamaları ilk deyil. Azərbaycanla sülh müqaviləsinin imzalanması məsələsi gündəmə gələndən bəri erməni müxalifəti bu cür absurd açıqlamalar verir. Əvvəla, kimliyindən asılı olmayaraq, beynəlxalq səviyyədə imzalanan müqaviləyə hər kəs hörmət etməlidir. Dünyada varislik ənənəsi deyilən bir məhfum var ki, bir liderin ölkəsi adından imzaladığı müqavilə ondan sonra hakimiyyətə gələn siyasi qüvvələr tərəfindən tanınır, onu imzalayan diktator olsa belə. Amma müxalifətin bu cür absurd çıxışları erməni siyasilərinin nə qədər etibarsız, dövlət ərkanından xəbərsiz olmalarının göstəricisidir.