Müflis olmuş kriptovalyuta birjası FTX , nağd pul, kriptovalyuta və investisiya məhsulları da daxil olmaqla likvid aktivlərinin 7,3 milyard dollarını bərpa edə bildi.

"dogruxeber.tv" bildirir ki, bu barədə Reuters agentliyi vəkil Endi Dietderiçə istinadən məlumat yayıb .

Bu pul böyük ehtimalla FTX müştərilərinə və investorlarına qaytarılacaq. Üstəlik, ola bilsin ki, birja öz işini bərpa etsin: hazırda onun hüquqşünasları bu barədə səhmdarlar və investorlarla danışıqlar aparır.

Dietderich-in sözlərinə görə, birjada vəziyyət sabitləşib, buna kriptovalyuta məzənnəsinin artımı kömək edib. Mümkün yenidən açılma ilə bağlı qərar bu ilin əvvəlində verilə bilər və müsbət olarsa, FTX 2024-cü ilin ikinci rübündə fəaliyyətə başlayacaq. Hər şey, vəkilin sözlərinə görə, hər şey işin bərpası üçün vəsait tapmağın mümkün olub-olmayacağından asılı olacaq.

Kriptovalyuta birjası indi də iflasdan çıxmaq planı üzərində işləyir və bu plan iyulun 1-dən əvvəl təqdim edilməlidir.

Qeyd edək ki, Dietderich-in açıqlaması fonunda FTX tokeni 1,32 dollardan 2,74 dollara qədər bahalaşsa da, sonra bir qədər azalaraq 2,28 dollara düşüb.

Xatırladaq ki, FTX 2022-ci ilin noyabrında müflis olub . İflasdan cəmi iki ay əvvəl bu kriptovalyuta birjası 32 milyard dollar dəyərində qiymətləndirilirdi və dekabr ayına qədər onun dəyəri 1 milyard dollara düşdü.

FTX qurucusu Sam Bankman-Fried hazırda fırıldaqçılıq və səhlənkarlıq da daxil olmaqla, ondan çox ittihamla üz-üzədir. Birjanın bir neçə keçmiş top-menecerləri də istintaq altındadır.

dogruxeber.tv
Asiman Əsədsoy