Ayda NASA faydalı resursları, xüsusən də oksigen və su çıxarmağı planlaşdırır. Gələcəkdə planetimizin peykində dəmir və nadir torpaq elementləri də hasil ediləcək.

"dogruxeber.tv"ın Reuters- ə istinadən məlumatına görə , NASA 2025-ci ilə qədər Artemida missiyasının bir hissəsi kimi amerikalı astronavtları Aya qaytarmağı planlaşdırır. Kommersiya sərmayəsini cəlb etmək üçün kosmik agentliyi enerji, su və Ay torpağı kimi potensial resursları kəmiyyətcə hesablamağı planlaşdırır. Bunu Constondakı NASA Kosmik Mərkəzində raket alimi Cerald Sanders deyib.

Brisbendəki Mədən Konfransında Cerald Sanders deyib: “Biz riskləri azaltmaq və kəşfiyyat və hasilat üçün kənar investisiyaların cəlb edilməsi üçün şərait yaratmaq üçün Kəşfiyyat və Qiymətləndirmə Mərhələsinə sərmayə qoymağa sadiqik”.

NASA Aya sınaq qurğusu göndərməyi və reqolit kimi tanınan Ay torpağında geniş miqyaslı qazıntılara başlamağı planlaşdırır. Bundan əlavə, 2032-ci ildə pilot emal zavodunun işə salınması planlaşdırılır.

İlk müştərilərin Ayın resurslarından istifadə edə biləcək kommersiya raket şirkətləri olacağı gözlənilir. Avstraliya kosmik agentliyi ilə NASA arasında əməkdaşlıq çərçivəsində 2026-cı ilə kimi reqolit nümunələrini toplayacaq yarı avtonom rover hazırlanır.

Məlumdur ki, Ay torpağında əhəmiyyətli miqdarda oksidlər var, qızdırıldıqda oksigen və əlaqəli metalları buraxa bilər. Rover Ay torpağını toplayacaq və roverlə birlikdə Aya çatdırılan xüsusi avadanlıq NASA-ya reqolitdən oksigeni uzaqdan çıxarmağa imkan verəcək.

Cerald Sanders, "Bu, Ayda davamlı insan varlığının yaradılması və Marsa gələcək missiyaların dəstəklənməsi istiqamətində mühüm addımdır" - deyə bildirib.

dogruxeber.tv
Ulduz Talıblı