Rusiya düyü və düyü yarmalarının ixracına müvəqqəti qadağa tətbiq edir, məhdudiyyət 2023-cü il dekabrın 31-dək qüvvədə olacaq.

"dogruxeber.tv" interfax.ru-ya istinadən bildirir ki, bu barədə bu gün Rusiya hökumətinin saytında deyilir.

Müvafiq sərəncamı baş nazir Mixail Mişustin imzalayıb.

"Düyü və düyü yarmalarının ixracı üçün bir sıra istisnalar var. Qadağa bu məhsulların Avrasiya İqtisadi İttifaqına üzv dövlətlərə, həmçinin Abxaziya və Cənubi Osetiyaya tədarükünə şamil edilməyəcək", - fərmanda deyilir.

Hökumət əlavə edib ki, - “əlavə olaraq, düyü və düyü yarmaları humanitar yardım üçün, eləcə də beynəlxalq tranzit daşımalarında xaricə göndərilə bilər”.

“Düyü və düyü yarmalarının ixracına müvəqqəti qadağa İqtisadi İnkişaf və İnteqrasiya üzrə Hökumət Komissiyasının Gömrük-tarif və qeyri-tarif tənzimlənməsi, xarici ticarətdə mühafizə tədbirləri üzrə alt komitəsi tərəfindən təsdiq edilib”, - sənəddə deyilir.

Nazirlər Kabineti əlavə edib ki, bu qərar daxili bazarda sabitliyi qorumaq üçün verilib.

İyunun sonunda Rusiya Federasiyasının Kənd Təsərrüfatı Nazirliyi düyü ixracına qoyulan qadağanın 2023-cü il dekabrın 31-dək uzadılmasını təklif edib.

dogruxeber.tv
Kamal Əsgərov