Çinin cənub-qərbində yerləşən Tibet Muxtar Bölgəsində 6,8 bal gücündə zəlzələ baş verib.

"dogruxeber.tv" "Sinxua" agentliyinə istinadən xəbər verir ki, təbii fəlakət nəticəsində 32 nəfər həlak olub.

"2025-ci il yanvarın 7-də səhər saatlarına olan məlumata görə, Dinqri rayonunda 32 nəfər həlak olub, 38 nəfər yaralanıb, 1000-dən çox ev uçub", - agentlik qeyd edib.

Qeyd olunur ki, Tibetdə 5 kilometr radiusda yeddi kənd var.

Məlumatına görə, Çin hakimiyyəti zəlzələnin nəticələrinin aradan qaldırılması işlərinə nəzarət etmək üçün yeraltı təkanlar bölgəsinə 1,5 mindən çox işçi qrupu göndərib.