Xəbər verdiyimiz kimi, Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallas Bakıda Prezident İlham Əliyev və xarici işlər naziri Ceyhun Bayramovla görüşüb.

"dogruxeber.tv" xəbər verir ki, Azərbaycan rəhbərliyi ilə görüşdə ölkəmizdə insan hüquqlarının durumu da müzakirə olunub.

Bu isə Avropa İttifaqı ilə Azərbaycan arasında insan hüquqları da daxil olmaqla yeni danışıqların başlanması deməkdir.

“Avropa İttifaqı ilə Azərbaycan arasında yeni Tərəfdaşlıq və Əməkdaşlıq Sazişi üzrə danışıqları bərpa etməyə razılaşdıq.

Bu münasibətlər qarşılıqlı hörmət, o cümlədən üzv dövlətlərimizə və fundamental prinsiplərimizə, o cümlədən qanunun aliliyinə və insan hüquqlarına hörmət əsasında inkişaf edəcəkdir”.

Bunu isə Avropa İttifaqının xarici işlər və təhlükəsizlik siyasəti üzrə ali nümayəndəsi, Avropa Komissiyasının vitse-prezidenti Kaya Kallas Bakıda İlham Əliyev Ceyhun Bayramovla görüşdən sonra bəyanatında deyib.