Bu gün Ali Məhkəmədə “Müsəlman Birliyi” adlanan hərəkatın həbsdə olan sədri Taleh Bağırov, AXCP sədrinin müavini Fuad Qəhrəmanlı və digərlərinin barəsində hökmdən verilən kassasiya şikayəti üzrə məhkəmə iclası başlayıb.



dogruxeber.tv APA-ya isdinaden xeber veri ki , hakim Şahin Yusifovun sədrliyi ilə keçirilən iclasda təqsirləndirilən şəxslərdən üç nəfər -Şamil Abduləliyev, Abbas Quliyev və Abbas Hüseynov məhkəməyə ərizə ilə müraciət edərək iclasda iştiraklarının təmin edilməsini istəyiblər. Məhkəmə iclası buna görə qeyri-müəyyən vaxta kimi təxirə salınıb.



Qeyd edək ki, Bakı Ağır Cinayətlər Məhkəməsinin hökmü ilə Taleh Bağırov 20 il, Abbas Hüseynov 20 il, Fuad Qəhrəmanlı 10 il, Cabbar Cabbarov 19, Rasim Cəbrayılov 17, Şamil Abduləliyev, Zakir Mustafayev, Cahad Babakişizadə, Abbas Quliyev, İbrahim Xudaverdiyev, Etibar İsmayılov, Bəhruz Quliyev, Əli Nuriyev, Əlibala Vəliyev, Fərhad Balayev və Abbas Tağıyevin hər biri 14 il 6 ay, Ramin Yarıyev və Aqil Quliyevin hər biri 10 müddətinə azadlıqdan məhrum ediliblər.



Taleh Bağırov və Abbas Hüseynov cəzalarının 7 ilini qapalı rejimdə çəkəcəklər.



2015-ci il noyabrın 26-da Nardaran qəsəbəsində keçirilən əməliyyat zamanı adları çəkilən şəxslər həbs edilib.



Onlar Cinayət Məcəlləsinin bir sıra maddələri ilə ittiham olunurlar. Əməliyyat zamanı 2 polis, 4 kənd sakini həlak olub.