Bir az öncə Bakunews.az saytına daxil olan məlumatda bildirilir ki, Sumqayıt bulvarının tikintisi və şəhərdə Bayraq meydanlarının salınmasında iştirak edən və pullarını xərcləyən iş adamları Prezident Aparatının qarşısına toplaşıblar. Onlar Prezident İlham Əliyevin şəkillərini qaldıraraq ölkə başçısından kömək istəyirlər.
İş adamlarından Məhəmməd Əsgərov Bakunews.az-a bildirib ki, Sumqayıt icra başçısı dəfələrlə onların pulunu qaytaracağını söz versədə vədinə əməl etməyib. Onun sözlərinə görə Zakir Fərəcov onlara polislə təzyiq edir, həbs etməklə hədələyir. Hazırda Aparatın qarşısında toplaşan iş adamları, fəhlərlər və onlarla etirazçı Sumqayıt icra başçısının özbaşınalığına son qoymağı tələb edirlər. Onlar Prezident İlham Əliyevi dəstəklədiklərini və icra başçısına təzyiq edilməsini, borclarının tez bir zamanda qaytarılmasını qeyd edirlər.

Xatırladım ki, Sumqayıtda abadlıq işlərində iştirak edən iş adamları 12 milyon manat vəsait xərcləyiblər. Onların pullarının qaytarılacağına söz verilsədə iki ilə yaxındır ki, icra başçısı verdiyi sözə əməl etmir. İş adamları ilə görüşdə Zakir Fərəcov onlara bildirib ki, dövlət ona pul verməyib və ona görə borcu verə bilmir.
Aparat qarşısına toplaşan iş adamları isə etirazın hər gün davam edəcəyini bildirirlər.

Mövzuya qayıdacağıq.


@dogruxeber.tv