Berlində şahmat üzrə İddiaçılar turnirinin altıncı turu yekunlaşıb.

Şəhriyar Məmmədyarov və rusiyalı qrossmeyster Vladimir Kramnik arasında keçirilən partiya 64-cü gedişdə şahmatçımızın qələbəsi ilə başa çatıb.

Bununla xallarını 4-ə çatdıran şahmatçımız amerikalı Fabiano Karuana ilə ilk pilləni bölüşdürür.

Qeyd edək ki, turnirin qalibi Norveçli Maqnus Karlsenlə matçda çempionluq tacı uğrunda mübarizə aparmaq hüququ qazanacaq.