Belə ki, DogruXeber. az informasiya agentliyinə ərizəylə müraciət edərək şikayətinin olduğunu bildirən Şirvan şəhər sakini 2 qrup əlil sahibkar Qurbanxan Abdulhəsən oğlu Dəmirov, bizə verdiyi müsahibəsində FHN nin tabeçiliyində olan təşkilatlardan şikayətləndi. 61 yaşlı Qurbanxan kişi uzun müddətdir ki, sahibkarlıqla məşğuldur. Zəhmətsevər sahibkar bir neçə işsiz vətəndaşımızı işlə təmin edərək, onların sosial rifahının yaxşılaşdırılması istiqamətində əlindən gələni əsirgəməmişdir. "Belə getsə sahibkarlıq fəaliyyətimə son qoyacam" deyən Qurbanxan Dəmirovu özündən çıxaran səbəbi isə aşağıda siz oxuculara təqdim edəcəyimiz müsahibəsində öz dilindən eşidəcəksiniz.!

2 ci qrup əlil sahibkarın yanacaq doldurma məntəqəsində oğlu Elvin Dəmirovun adına 3 yanacaq daşıyan yük maşını olduğunu söyləyən Qurbanxan kişi, həmin maşınlar üçün 13 fevral 2013 cü ildə verilmiş , Azərbaycan Dövlət Əməyin Mühafizəsi və Təhlükəsizlik Texnikası Elmi Tədqiqat İnstitutunda Təhlükəli yüklərin daşınması" -da texniki təhlükəsizlik və əməyin mühafizəsi qaydaları və normalarının öyrənilməsi üzrə təlim kursu keçmiş, imtahan komissiyasında bilikləri yoxlanılmış və şəhadətnamə verilmişdir. Qeyd edilən tarixdə verilən şəhadətnamənin etibarlılıq müddəti göstərilməmişdir .

Daha sonra müsahibəsi zamanı yanacaq daşıyan maşınlarının hər biri üçün texniki baxışdan keçirməyə görə 680 manat pul istəyirlər deyən sahibkar, qarşılaşdığı problemlərlə bağlı, Azərbaycan Respublikası Fövqəladə Hallar Nazirliyi Sənayedə işlərin Təhlükəsiz Görülməsi və Dağ Mədən Nəzarəti Agentliyinə getmişdir..Sözü gedən Agentliyin rəhbəri Səfər Qurbanovun qəbuluna düşə bilməyən əlil sahibkar, onun müavini İsmayıl Məşədiyevlə görüşmək qərarına gəlir. Beləliklə Qurbanxan Dəmirovu oğlunun yaninda aqressiv şəkildə otağından çıxaran İsmayıl Məşədiyevin bu hərəkətini özünə təhqir hesab edən sahibkar, Prezident İlham Əliyevdən və FHN Naziri Kəmaləddin Heydərovdan tez bir zamanda ona kömək etmələrini xahiş etdi..Qurbanxan Dəmirovun Sahibkarlıq fəaliyyətinə vurulan ziyan yəqin ki, tez bir zamanda öz həllini tapacaqdır. Ölkəmizin Prezidenti Cənab İlham Əliyevin sahibkarlara yaratdığı şərait və onlara göstərdiyi qayğı bir mənalı şəkildə məmurlar tərəfindən hörmətlə icra edilməlidir.!

Onu da sizlərin nəzərinə çatdıraq ki, təhlükəli yükdaşıyan avtonəqliyyat vasitələrinin sürücüləri ilə “Təhlükəli yüklərin daşınmasında təhlükəsizlik tədbirləri” üzrə təlimin keçirilməsi üçün müqavilə üzrə 1(bir) nəfərin təlimi keçirilməsinin qiyməti 275 (iki yüz yetmiş beş manat) +18 % ƏDV müəyyən etdikləri halda indi hansı səbəbdən yeni qiymət ilə yəni 324. 50, (üç yüz iyirmi dörd manat əlli qəpik) tətbiq etmələrindən narazıçılığını bildirən Q.Dəmirov bu qeyri müəyyəniliyi aradan qaldırılması üçün ölkə prezidenti cənab İlham Əliyevə və FHN naziri cənab Kamaləddin Heydərova müraciət etdi.

Qeyd edək ki, video sujetdə adları çəkilən şəxslərin mövqeylərini öyrənmək üçün telefon əlaqəsi yaratsaq da telefona cavab verən olmadı. Yalnız Azərbaycan Respublikası FHN –nin sənayedə işlərin təhlükəsiz görülməsi və dağ-mədən nəzarəti agentliyi Azərbaycan Dövlət Əməyin Mühafizəsi və Təhlükəsizlik Texnikası Elmi Tədqiqat İnistitunun direktoru cənab Rüştü Səfərovun (012) 496 28 52 nömrəli telefonuna cavab verən katibəsi əməkdaşlarımıza bildirib ki,R.Səfərov cənablarının vaxtı yoxdur
sizin suallarınıza cavab verməyə. Belə ki video sujetdə adları çəkilən digər şəxslərin mövqeylərin dinləyib dərc etməyə hazırıq:

Əziz oxucular !
Şirvan şəhərində fəaliyyət göstərən 2 ci qrup əlil sahibkar Qurbanxan Dəmirovun DogruXeber. az informasiya agentliyinə verdiyi geniş müsahibəsinin video yazısını aşağıda sizlərə təqdim edirik. !