“Zombi adam” ləqəbi ilə tanınan və Ledi Qaqanın “Born this way” klipi ilə məşhurlaşan model Rik Genest 32 yaşında intihar edib.

“dogruxeber.tv” xarici mediaya istinadən xəbər verir ki, bədəni başdan-ayağa döymələrlə örtülü olan Rikin cəsədi Kanadanın Monreal şəhərindəki mənzilində tapılıb. Qaqa modelin ölümü ilə bağlı “sarsıdıcı olmaqdan da dəhşətlidir” deyib. Avqustun 7-də 33 yaşını qeyd etməyə hazırlaşan Genestin bu addımı atmasına uşaqlıqdan əziyyət çəkdiyi beyin xərçənginin səbəb olduğu düşünülür.

Qeyd edək ki, 16 yaşında ilk döyməsini etdirən Rik 19 yaşında 176 ədəd döyməsi ilə “Ginnesin rekordlar kitabı”na düşmüşdü. O, bir sıra brendlərin reklamına çəkilməklə yanaşı, “GQ”, “Vogue” kimi jurnallar üçün də modellik edib.