Sentyabrın 4-də üç piyadanın ölümü ilə nəticələnən yol qəzası baş verib.

“dogruxeber.tv” DİN-ə istinadən xəbər verir ki, ötən gün saat 4 radələrində Xəzər rayonunun Buzovna qəsəbəsi ərazisində Bakı şəhər sakini Cəmil İsmayılzadə idarə etdiyi “Jeep” markalı avtomobillə paytaxt sakini Validə Şirinovanı vurub və nəticədə piyada hadisə yerində ölüb.

Sentyabrın 4-də saat 20 radələrində Abşeron rayonunun Novxanı kəndi ərazisində Masazır kənd sakini Məmməd İsmayılov idarə etdiyi “Mercedes” markalı avtomobillə yolu keçən Şəki rayon sakini Hikmət Nəsrullayevi vurmuş və nəticədə piyada hadisə yerində ölüb.

Eyni zamanda, ötən gün saat 23 radələrində Sabirabad rayonunun Şıxsalahlı kəndi ərazisində Güdəcühür kənd sakini Nizami Ələsgərov idarə etdiyi “Mercedes” markalı mikroavtobusla yolu keçən kənd sakini Xəyal Paşayevi vurub. Nəticədə xəstəxanaya yerləşdirilmiş piyada orada ölüb.

Faktlarla bağlı araşdırma aparılır.