Şimali Koreya lideri Kim Çen In ilin sonuna qədər Rusiyaya səfər edəcək.

“Qafqzinfo” xəbər verir ki, bu barədə Rusiya Federal Məclisinin Federasiya Şurasının sədri Valentina Matviyenko məlumat verib.

Onun sözlərinə görə, səfər barədə tərəflər arasında razılıq əldə olunub. Matviyenko səfərin tarixi barədə isə məlumat verməyib.

Qeyd edək ki, 2011-ci ildə Ş.Koreya rəhbərliyinə gələn Kim Çen In ilk xarici səfərini bu il Çinə etmişdi.

Ardınca isə Cənubi Koreyaya səfər etmiş, sonra Sinqapurda ABŞ prezidenti Donald Trampla görüşmüşdü.