Çempionlar Liqasında yarımfinal mərhələsinin ilk oyunlarına yekun vurulub.

Matc.az saytının məlumatına görə, günün oyunu İspaniyada keçirilib.

“Barselona” öz meydanında “Liverpul”u qəbul edib. La Liqada çempionluğu rəsmiləşdirən kataloniyalılar ÇL-də də final yolunda önəmli addım atıb. Belə ki, Kataloniya təmsilçisi 3 cavabsız qolla qalib gələrək, cavab görüşü öncəsi böyük üstünlük qazanıb.

Qeyd edək ki, bir gün əvvəl keçirilən yarımfinalın ilk oyununda “Tottenhem” (İngiltərə) öz meydanında “Ayaks”a (Hollandiya) uduzub – 0:1.

Çempionlar Liqası
Yarımfinal, ilk oyun

“Barselona” – “Liverpul” - 3:0
Qollar: Luis Suares, 26; Lionel Messi, 75, 82

Barselona. “Nou Kamp” stadionu. Baş hakim: Byorn Kuypers (Hollandiya)

"Barselona" (İspaniya): 1. Mark-Andre ter Ştegen, 3. Jerar Pike, 15. Kleman Lanqle, 18. Xordi Alba, 20. Serxi Roberto, 4. İvan Rakitiç, 5. Serxio Buskets, 22. Arturo Vidal, 7. Flipp Koutinyo, 10. Lionel Messi (k), 9. Luis Suares

Ehtiyat oyunçular: 13. Yasper Silessen, 2. Nelson Semedo, 23. Samuel Umtiti, 26. Karles Alena, 8. Artur, 11. Usman Dembele, 14. Malkom

Baş məşqçi: Ernesto Valverde

"Liverpul" (İngiltərə): 13. Alisson Beker, 4. Vircil van Deyk, 32. Joel Matip, 26. Endryu Robertson, 12. Co Qomes, 3. Fabinyo, 7. Ceyms Milner (k), 8. Nabi Keyta, Corcinyo Veynaldum, 10. Sadio Mane, 11. Məhəmməd Salah

Ehtiyat oyunçular: 22. Simon Minyole, 6. Deyan Lovren, 66. Trent Aleksander-Arnold, 23. Xerdan Şakiri, 14. Cordan Henderson, 27. Divok Origi, 9. Roberto Firmino

Baş məşqçi: Yurgen Klopp