Bakı Ağır Cinayətlər Məhkəməsində həmyerlisini qətlə yetirməkdə ittiham olunan Ağstafa rayon sakini, 19 yaşlı Rauf Murquzovun cinayət işi üzrə məhkəmə istintaqı yekunlaşıb.

prosesdə hökm oxunub. Hökmə əsasən, Rauf Murquzov 10 il müddətinə azadlıqdan məhrum edilib.

Qeyd edək ki, ötən ilin dekabr ayında Bakının Nərimanov rayonu, Atatürk prospekti, ev 2a ünvanında Ağstafa rayonunun Dağ Kəsəmən kəndinin sakinləri - Rauf Murquzov həmkəndlisi, uşaqlıq dostu Elman Xəlilovla mübahisə edib. Gənclərin mübahisəsi davaya çevrilib. Nəticədə, R.Murğuzov E.Xəlilovu bıçaqla qətlə yetirib.

Xatırladaq ki, qətlə yetirilən E.Xəlilov Azərbaycan Texniki Universitetinin Avtonəqliyyat fakültəsinin, hadisəni törədən R.Murğuzov isə Azərbaycan Dövlət Bədən Tərbiyəsi və İdman Akademiyasının tələbəsi olub.virtualaz.org