Valideynlər bağçadan şikayətçidir: Yalandan deyirlər ki, yer yoxdu, amma “hörmət” edən kimi yer tapılır".

5 №-li körpələr evi-uşaq bağçasının müdiri Pərvanə Gülərova dövlət müəssisəsini şəxsi əmlakı kimi idarə edir. Bildiyiniz kimi, ölkə rəhbərliyi məktəbəqədər təhsil müəssisələrinə, uşaqların düzgün təlim-tərbiyə almasına böyük diqqət və qayğı göstərir.

Məhz bunun nəticəsidir ki, son illər ərzində Bakıda və rayonlarda onlarla uşaq bağçası əsaslı şəkildə təmir edilərək vətəndaşların istifadəsinə verilib. Həyata keçirilən bütün tədbirlərə baxmayaraq, bəzi uşaq bağçalarında neqativ hallar səngimək bilmir. Uşaq bağçaları Bakı Şəhər İcra Hakimiyyətinin tabeliyinə verildikdən sonra problemlər daha da artıb.

Son zamanlar sanki bağça müdirləri arasında “rüşvət yığma yarışı” start götürüb və təəssüflər olsun ki, bu hal əksər uşaq bağçalarında hökm sürməkdədir. Redaksiyamıza daxil olan şikayətlərdən belə aydın olur ki, “pulyığma yarışında” ən çox canfəşanlıq edənlərdən biri də 5 №-li körpələr evi-uşaq bağçasının müdiri Pərvanə Gülərovadır.

Verilən məlumatlarda o da vurğulanır ki, müdirə bağçadakı əksər qruplarda boş yerlər olmasına baxmayaraq, valideynlərə yer olmadığını bildirir və yalnız onlarla razılaşdıqdan sonra usaqlarını bu məktəbəqədər təhsil müəssisəsinə qəbul edir. Bu barədə bir çox valideynlər bildirib ki, dəfələrlə baxçaya ged-gəl ediblər ,amma bağçadan bildiriblər ki, uşaq bağçasında boş yer yoxdur . Tanış valideyinlərin vastəsi ilə öyrənilib ki, uşaq bağçasında uşaqı qediyyata almaq üçün 300-400 AZN, , ayda isə 20 manat məbləğində bəri başdan müdrə Pərvanə Gülərovaya pul ödəməlidir. Həmin ödənilən məbləğ isə tərbiyəçilər arasında bölünür. Adının açıqlanmasını istəməyən valideyn bilirib ki, bu barədə aidiyyatı qurumlara dəfələrlə müraciət etsə də təssüf ki, heç bir tədbir görülməyib.

5 №-li körpələr evi-uşaq bağçasının müdiri Pərvanə Gülərova ilə bağlı bütün faktlarla birlikdə daha ətraflı gələn sayımızda..

Qarşı tərəfində mövqeyini dərc etməyə hazırıq…