Koronavirusa yoluxan argentinalı hücumçu Paulo Dibala məşqlərə tam hazır olmadığını bildirib.

dogruxeber.tv bu barədə “Football Italia” nəşrinə istinadən xəbər verir.

İlk dəfə P.Dibalanın koronavirus testi martın 21-də müsbət çıxıb. Dörd dəfə COVID-19 analizi verən futbolçunun bütün nəticələri müsbət çıxıb.

“Məndə koronavirus var idi, ancaq indi özümü xeyli yaxşı hiss edirəm. Amma tam sağalmamışam. İndi biz məşqlərə qayıdırıq, mövsüm yenidən başlanır,” - deyə P. Dibala qeyd edib.

Qeyd edək ki, futbol üzrə İtaliya çempionatı iyunun 12-də bərpa olunacaq.