"Bizdə yaşayış minimumunun strukturu, ora daxil olan səbətlərin tərkibi və istehlak normaları ilə bağlı ayrı-ayrı vaxtlarda müxtəlif ekspert analizləri olub. Amma bu sualı indiyədək heç vaxt qarşıma çıxmayıb: hər il parlamentin təsdiqlədiyi yaşayış minimununun dəyəri necə indeksləşdirilir? Dərhal cavab ola bilər ki, inflyasiyaya uyğun olaraq. Yəni, məsələn, 2020-ci ildə 3% inflyasiya olursa, 2021-in yaşayış minimununun dəyəri də bu qədər artırılaraq təsdiqlənməlidir. Amma 2013-cü ildən indiyədək hər növbəti il üçün əmək qabiliyyətli əhali üçün təsdiqlənən yaşayış minimumunun dəyərinə və əvvəlki ilin inflyasiya səviyyəsinə baxanda bu sxemin heç də həmişə işləmədiyini görürük”.

Cebhe.info xəbər verir ki, bunu iqtisadçı-ekspert Rövşən Ağayev deyib.

Ekspert məsələni bu cür izah edib: "Məsələn, 2014-cü ildə yaşayış minimumunun dəyəri 8,8 faiz artırılır, amma əvvəlki ilin rəsmi inflyasiyası 2,4 faiz olub. 2015-də yaşayış minimumunun dəyəri 2,9 faiz artırılır, amma əvvəlki ilin rəsmi inflyasiyası 1,4 faiz olub. Amma 2016-da yaşayış minimumunun dəyər artımı ilə əvvəlki ilin inflyasiya səviyyəsi təxminən eyni olur – 4 faiz ətrafında. 2017-də də təxminən eyni olur - 12.5 faiz ətrafında. Amma sonrakı 3 ildə yeni pozulur. 2018-də yaşayış minimumunun dəyəri 11 faiz artırılır, amma əvvəlki ilin rəsmi inflyasiyası 13 faizə yaxın olur olur. 2019 və 2020-də yaşayış minimumun dəyərinin artımı inflyasiya tempini təxminən 2 dəfə üstələyir. Ən nəhayət, 2021-də yenə bir-birinə bərabər olur -təxminən 3 faiz ətrafında”.