dogruxeber.tv informasiya agentliyinin redaksiyasına Şəki rayon Sarıca kənd sakini Hacalıyev Fikrət Fəqan tərəfindən müraciət daxil olmuşdur.
Müraciətdə Şəki rayonu, taxılçılıq adlanan ərazisində, daha dəqiq desək Sarıca, Qayabaşı, Bolludərə, Qaratorpaq və digər qonşu kəndlərdə yaşayan fermerlərin yazlıq kübrə və alaq dərmanları ilə bağlı problemləri yarandığı deyilir. Onlar dövlət tərəfindən ayrılmış yaxud ayrılacaq subsidiyaların və kübrələrin, eləcə də alaq otları dərmanlarının verilməməsi, həmçinin nə zaman veriləcəyi ilə bağlı da məlumatlarının olmamasından şikayət edirlər. Sözügedən məsələ ilə bağlı sakinlər dəfələrlə yerli İcra nümayəndəliyinə, eləcə də Kənd Təsərrüfatı Nazirliyinin regional şöbəsinə müraciət etmələrinə baxmayaraq, hər dəfə eyni cavabı, "biz də bilmirik. Kənd Təsərrüfatı Nazirliyinə müraciət edin" cavabını alıblar.
Məlumdur ki, əgər bu məsələdə gecikmə olarsa, əhalinin əkinləri aşağı məhsuldarlıq verə bilər ki, bu da nəyinki əhalinin yaşayışına, hətta dövlət büdcəsinə belə mənfi təsir göstərəcək.
Hesab edirik ki, Kənd Təsərrufatı Nazirliyi tezliklə məsələnin həlli üçün müvafiq addımlar atacaq və sakinlərin mövcud problemləri aradan qaldırılacaq.
Redaksiyamız hər kəsin söz haqqını tanıyır.
dogruxeber.tv